分享：
47 名民主派被控「串謀顛覆國家政權」罪，認罪的戴耀廷、區諾軒、趙家賢、鍾錦麟，以及審訊後罪成的吳政亨，周二（25 日）在西九龍裁判法院展開求情，料需時 3 天。大批巿民在法院外輪候旁聽席，排首位的巿民前一晚已到場，至周二早上約 8 時，已有近百名巿民。
戴耀廷被捕後 3 年久未露面，數名巿民表示記掛戴的近況，希望到庭表達「最起碼嘅支持」。其中一人與戴有書信往來，他形容戴表現豁然開朗，在獄中過著平安的生活，「肉體被困住但係心靈係釋放」。
多國領事館均有派代表旁聽，包括英、法、澳及瑞士等。前支聯會常委徐漢光、前立法會議員邵家臻、政治漫畫家尊子、以及同案無罪被告劉偉聰亦有到庭。劉偉聰指他是處理另案，與 47 人案無關。邵家臻則指，幾年來陪伴各被告度過被捕、審訊，「去到呢個階段，都唔應該缺席啦係咪？」。
排首位巿民前一日傍晚到場
「一定要霸個頭位睇戴教授」
周二凌晨 12 時半，西九龍法院外的傳媒區內放滿椅櫈「霸位」，未見有記者排隊。另有約 10 名巿民則排隊輪候公眾席籌號。
排首位的是旁聽常客「姨婆」及其姨甥，兩人於周一（24 日）傍晚 6 時到場「霸位」，回家梳洗後再前來等候。「姨婆」稱希望親身支持戴耀廷，形容「好難得有個人咁樣犧牲咁大，教授嚟㗎喎……我一定要霸個頭位睇戴教授，好耐冇見佢啦」。
同樣於傍晚到場、64 歲的黃先生，表示自己去年退休後，不時往法庭旁聽，今次是他首次通宵排隊，盼入庭見戴耀廷。他說：「香港人冇忘記佢哋⋯佢幾年冇出過嚟，而且聽講佢會重判，好擔心佢」，又認為法庭審判戴耀廷「即係審緊我哋」，形容是「冤獄」、「政治監」。
李盈姿：盼港人知道「仲有人堅持」
早前涉嫌違反《維護國安條例》下煽動罪被捕的李盈姿亦在晚上 11 時到場排隊，她稱「驚有排隊黨，想抵抗啲排隊黨」，又指旁聽是希望讓被告及其他港人知道，「仲有好多人喺度，仲有人堅持」。
至早上近 6 時，逾 50 市民在法院外輪候期間突然下大雨，有人撐起雨傘繼續排隊；在場警員則在帳蓬避雨。
隊伍中，有人戴鴨咀帽、口罩及面向法院大樓，避開記者鏡頭，亦有人低頭看手機，手機屏幕顯示一個 WhatsApp 群組，內有多張旁聽籌的照片。有人表示凌晨四時許已在法院外等候，再被問到是否一直留意 47 人案或主要支持誰，他們則搖頭表示不願多答。
正庭籌早上額滿
巿民：盼戴家人知有人支持
早前 6 時前到場的 Zoe 向《法庭線》記者稱，希望到庭親身表達對戴耀廷的支持，因戴已很久沒有露面戓出庭。由於正庭只有 52 個座位，Zoe 很可能只能到延伸庭，她冀至少讓戴的家人「知道有人嚟支持佢」。
Zoe 又指，預計各被告面對的刑期可能很長，因此心情沉重，「好唔想見到呢個結果」，形容各人「都係付出咗好多，為香港巿民，如果換嚟代價咁大，都會戥佢哋好可惜」。
巿民：「一冷一熱就諗起」獄中被告
陳小姐則搭乘頭班車，約 6 時抵達法院，她稱戴耀廷已 3 年多沒出現，一直記掛戴的近況， 「一冷一熱就諗起佢哋每一個人」，因此今天「好希望見到佢，都希望佢見到我哋」，望向戴表達「最起碼嘅支持」。
陳又稱，初選是履行《基本法》賦予的權利，「唔覺得戴教授係有罪，初選都唔覺得係有罪」，擔心戴在還押期間想到初選案「連累」到他人，因此特意到庭支持，「想佢知道佢冇做錯到」。
市民：書信中見戴肉體被困
但心靈獲釋放
另一名陳小姐與還押中的戴耀廷有數次信書來往，戴在信中提到近日學日文、跑步、與囚友聊天的生活，她形容書信中看到戴「係一個好豁然開朗嘅人」，已克服囚獄中的生活，過著平靜、平安的生活，不被外在的枷鎖所綑綁或恫嚇，「肉體被困住但係心靈係釋放」。
陳亦認為戴付出很多，其理念「唔係為自己 ，係為香港人」，希望到庭支持及聆聽他的求情陳詞。
邵家臻：數年來陪伴各被告
無理由缺席
人龍中還有前立法會議員邵家臻，約於 8 時到場輪候入庭。他稱除了戴耀廷，44 名定罪被告中不乏他的「舊同事、好拍檔，好多都係我好尊敬嘅人」，會盡量抽空旁聽，「我諗好多人都一樣，就算唔喺度，都喺度」。
邵又形容，由各被告被捕、審訊的幾年來「陪咗佢哋行咗咁多年呢，去到呢個階段，都唔應該缺席啦係咪？… 見到佢就見啦，聽到佢就聽啦」，亦希望各被告看到旁聽者，「畀佢哋知道其實好多人喺唔同崗位，關心佢哋」。
他又提到，不時到獄中探望戴耀廷，形容戴幾年來已適應獄中生活，有自己的節奏，有規律的生活令他心靈平靜，「個心定，面對不斷變化嘅世界，呢個係佢教我嘅功課」。
HCCC69/2022、HCCC70/2022
文章来源：法庭线
没有评论:
发表评论
注意：只有此博客的成员才能发布评论。