分享：
《立場新聞》被控「串謀發布煽動刊物」案，自 2022 年 10 月開審，經歷 57 日審訊，三度押後之後，周四（29 日）在區域法院裁決，前總編輯鍾沛權及前署任總編輯林紹桐均罪成。
案件訂於下午 2 時半開庭，但清晨 7 時已有人到達排隊。他向記者稱自己是《立場》的讀者，指案件開審後，曾前來旁聽約 10 次，稱兩位被告令他明白「正確嘅事要堅持到最後，儘管有啲壓力令到你行唔到落去，都要堅持住」。至中午約 12 時，已有逾 70 人排隊。
到場旁聽的亦有數十名《立場》的前員工，其中現為獨立記者的鄭思思，說希望「知道法庭點樣去判斷新聞自由，到底喺佢哋眼中，新聞自由有冇罪」；亦有前員工對兩人表達感謝，「覺得《立場新聞》都幫我achieve 咗好多，從來冇諗過會 achieve 到嘅嘢」，有員工則哽咽稱兩人「係最好嘅老細」。亦有新聞系學生表示，《立場》的報道是她立志修讀新聞的起點，希望自己能讓被告知道，「仲有人肯入行」。
案件訂於下午開庭，開庭前，庭外中午約 12 時，區域法院內已有逾 70 人排隊，包括資深傳媒人區家麟、年屆 101 歲的「大黃伯」、社民連主席陳寶瑩，以及英、法、美、紐、瑞典、德、歐盟、愛爾蘭、澳、加等多國領事代表。
讀者：兩被告令我明白
「正確嘅事要堅持到最後」
排在公眾席第 3 位的 Kevin 於清晨 7 時已到場，他說今天特意請假，從新界西前來。Kevin 指自己由 2019 年起成為《立場新聞》讀者，主要留意當時的直播及法庭新聞，認為《立場新聞》的法庭新聞較其他媒體全面。他又指，案件開審後，他亦曾前來旁聽約 10 次，認為兩位被告令他明白「正確嘅事要堅持到最後，儘管有啲壓力令到你行唔到落去，都要堅持住」，冀兩位被告能「繼續堅持落去」。
不願露面的《立場》讀者陳先生則表示，今天是首次到場旁聽《立場》案，「覺得今日需要嚟」，「政府對《立場》好明顯係打壓，用咗所謂嘅法治去處理呢單嘢。法治係好重要嘅，但係最擔心係統治者用法律去統治、處理異見分子」。陳先生又指，自己於 2019 年起留意《立場新聞》，認為其直播「好 strict、好中肯，係啱就啱，錯就錯，擺個事實畀你去自己裁斷」。他寄語被告，「如果真係唔好彩入咗去，最緊要保重」。
前員工：冀了解法庭如何判斷新聞自由
讀者以外，今天亦有數十名前員工到庭旁聽，當中曾於《立場》擔任特約記者的獨立記者鄭思思指，審訊期間自己一直有報道案件，又認為正因新聞自由是兩位被告的信仰，他們「堅持喺好多風聲鶴唳下，都繼續營運《立場》，令到我哋仲可以做到好多唔同嘅報道。」對於案件本身，她說「我好想知道，法庭點樣去判斷新聞自由，到底喺佢哋眼中，新聞自由有冇罪。」
鄭思思回憶昔日在《立場》工作的日子，當林紹桐臨危受命，擔任署理總編輯時，林亦擔心須承擔法律責任，但當鄭完成製作「南丫海難」及「公民社會解散」的影片後，「Patrick 覺得幾滿意，話好開心《立場》仲繼續可以出到有質素嘅作品，所以佢覺得繼續做署理總編輯係好值得嘅」。
她寄語「無論法庭判決係點，佢哋為新聞自由所做、所堅持、所信仰嘅，都係有莫大嘅意義，希望好人一世平安」。
前員工：就算罪名不成立，
公司都唔會再出現返
另一名前《立場》員工劉仁顯指，與兩名被告共事至少 8 年，形容自己甚至與林紹桐相處約四分一的人生，「喺佢哋身上學到好多價值觀，甚至乎佢哋講嘅全部嘢，我都會覺得係啱，基於呢個相信之下，我先至會一路去做」，形容他們為其戰友。
劉續哽咽指，「如果唔係佢哋兩個嘅話，從來都冇諗過有機會去參與一個媒體，都冇諗過最後會變成咁樣，而做到嘅，都係從來冇諗過會做到嘅嘢，尤其是我嘅位置。我覺得《立場新聞》都幫我 achieve 咗好多，從來冇諗過會 achieve 到嘅嘢」。
惟劉慨嘆，「就算罪名不成立都好，我都唔會覺得呢間公司會再出現返，亦都唔會再做得返以前啲嘢」。
前員工：佢哋係我見過最好嘅老細
不願上鏡的前員工 D 小姐則於早上約 11 時抵達排隊，擔心無法進入正庭，惟「入唔到都冇辦法」。她稱曾於 2021 年旁聽提堂，現已有一段時間沒與鍾沛權、林紹桐見面。D 指，案發至今近 3 年，「想喺最關鍵嘅時刻，畀佢哋知道，我哋都喺度陪緊佢哋」。她哽咽稱，「希望佢哋保重，佢哋係我見過最好嘅老細」。
前《立場》博客作者 Pazu 薯伯伯則指，在很多年前已認識鍾沛權，他為《立場》撰文時，「覺得好難得嘅係，當我問阿權任何嘅嘢，佢都會幫我解決」，其後再感到鍾是個很正直的人，開審後，聽到更多鮮為人知的事情，如「佢一直收緊好低嘅人工」。Pazu 另透露，近期曾與鍾見面，認為對方「好清楚知道嚟緊會發生咩事情，好正面、好放開，好冇一個『我執』（佛學用語，大意指執著）嘅人」。
記協前主席：
若罪成香港新聞自由「雪上加霜」
記協前主席岑倚蘭亦有到庭，她說看到「同業受難受苦，作為一個前輩都要撐佢哋」，昨夜一直為兩位被告及香港新聞界祈禱，今早亦向兩人發信息「願你平安，盼望奇蹟」。岑認為，香港的新聞自由已大不如前，早在 23 條頒布後，新聞自由已受影響，若《立場》案被判罪成，「只會係雪上加霜」，「希望前線嘅記者可以捱過呢啲風霜，繼續努力」。
輪候公眾席的自由身記者 Carol 說，自己一直有旁聽案件，形容本案特殊，鍾沛權、林紹桐「純粹想做新聞」，卻要負上刑責，「呢個係令人好震驚、同埋好遺憾」。她說認識鍾沛權、林紹桐多年，今天「梗係想佢冇罪啦，但係都幾難」，亦認為兩人也「打定輸數」。她續指，控罪刑期最高是兩年，只希望兩人「盡快出返嚟」，「無論發生咩都好，都要平安。」
李予信：想知法庭點樣去劃一條線
在「47 人案」獲判無罪的李予信，認為《立場新聞》是很專業的媒體，「記者都係秉持住自己嘅專業守則，去做好多唔同嘅採訪，緊貼時事，令到大家可以知道第一手嘅真相，係值得敬佩嘅新聞工作者」。李又表示，《立場》案是「涉到新聞自由、好 landmark」的案件，亦是以串謀性入罪的案件，「想知道法庭喺一個控罪咁廣闊嘅 charge 底下，點樣去劃一條線，點樣 balance 新聞、表達自由嘅 fundamental right」，呼籲社會關注此案件。
新聞系學生稱
冀讓被告知道「仲有人肯入行」
前來輪候旁聽的中文大學新聞與傳播學系學生 Annie 表示，涉案 17 篇文章當中，有 4 篇為其老師區家麟撰寫，故希望親身到場，表達對老師的支持。Annie 稱自己於 2019 年起接觸《立場新聞》，當時會認為其報道手法是理所當然，惟在多個媒體消失後，才發現並非如此。Annie 形容，《立場新聞》是影響她成為新聞系學生的起點。
Annie 又提到，見近年越來越少人加入新聞行業，希望讓被告知道「仲有人肯入行」。她續指，即使被告被裁定罪成，亦不會影響她日後成為記者的決定，「只要報道事實就可以」。
部分排隊人士拒回應
旁聽哪宗案件
早上約 10 時許，有約 10 男女陸續到場輪候，他們大部分帶同摺櫈，坐在隊伍中低頭用手機。記者詢問其中數人今天來旁聽甚麼案件，他們均搖頭，沒有回答。其中一名戴口罩的女子，拿著印有「陳恒鑌議員辦事處」字樣的藍色環保袋；另有一名女子戴著印有「國家安全 人人有責」字眼的彩色口罩。
文章来源：法庭线
没有评论:
发表评论
注意：只有此博客的成员才能发布评论。