47 人第二批獲釋被告之一，被判入獄 51 個月的前民陣召集人岑子杰，今（30日）早約 6 時半由警方車輛接回佐敦住所。上午約 9 時半，岑子杰身穿黑色無袖上衣、綠色長褲、背着背包步出大廈，接受現場近 30 名記者訪問。
岑子杰說憶述四年來「好感受到牆外面嘅溫暖」，感謝家人八號風球一落波便趕過來的堅持、感謝一直寄信來的人令他知道世界發生什麼事，他自言獄中「又肥咗又瘦咗」，經歷很多不開心和無力感，但亦慢慢恢復過來，「我都希望大家振作，反正係咪都要生活，我哋就好努力去生活」。
被問出獄後，有否收到提點或指示，岑停頓思考約 10 秒後，小心翼翼地說，總有很多人會溫馨提示他，包括友好的朋友會提醒他，出來要先了解情況；至於會否擔心「有啲嘢唔講得」，他苦笑：「一定有擔心有嘢唔講得，所以你見到我講嘢時我都喺度諗得好緊要。」記者再問，他覺得現時自己是否自由的狀態？他說「我唔知呀」，指是否自由只能看新聞才知道，笑說「可能你聽日已經見我唔到喇，咁咪可能唔係一個自由嘅狀態」。
他之後重返當年自己做區議員的地方 —— 沙田瀝源邨。岑子杰說，原本想第一個「出冊」地方就到瀝源。「我覺得，喺呢度，我有一個未完成責任，所以好想返呢度，睇一睇個情況。」他關心這裏數個工程的進度，亦留意到邨內的燕子巢還在，但貓兒看來已不在了。他憶述，自己人生第一份工是議助，學到的是，做區議員，不是打一份工，而是要認識這個社區。在這個社區，他的黨友、戰友包括黃浩銘、陳寶瑩、陳皓桓、曾健成和一眾街坊紛紛送上擁抱和祝福。
相關報道：47人案．岑子杰｜出獄後重新摸索紅線「記住受苦嘅人」 重返瀝源邨見街坊「係呢度我有個未完成責任」
47人案．岑子杰｜出獄後重新摸索紅線「記住受苦嘅人」 重返瀝源邨見街坊「係呢度我有個未完成責任」
47人案．獲釋｜岑子杰、譚凱邦、王百羽、李嘉達出獄 岑子杰：等我陪一陪屋企人 李嘉達：辛苦晒
没有评论:
发表评论
注意：只有此博客的成员才能发布评论。