分享：
壹傳媒創辦人黎智英上月被裁定串謀勾結外國勢力、煽動 3 罪成，與另外 8 名被告續還押至周一（12 日）處理求情，早上有逾 150 人排隊輪候旁聽籌，部分人早於上周五（9 日）已開始通宵排隊。
有前《蘋果》員工指，過去數晚入夜後較難捱，但盼可入正庭「遙遠咁畀到啲支持」。另有員工向黎智英表達謝意，「好多謝黎生以身教話畀我聽，『人』係點樣」，又指《蘋果》停刊令人傷感，「但仲有喺度嘅人，仲有繼續做傳媒嘅舊同事，大家都諗緊一啲方法繼續喺度生活，做緊自己要做嘅嘢」。
警方在人龍外設置橙帶，及後收窄以鐵馬圍起的排隊範圍，記者於橙帶外須隔逾 1 米採訪。另外，中午 12 時許，首日聆訊仍未結束，已有逾 50 人在庭外排隊輪候翌日旁聽籌。
法庭內｜陳梓華、李宇軒完成求情 控方指黎健康正常屬肥胖
警方人龍外設橙帶 記者不准入內採訪
周一早上約 9 時，法院外有逾 150 人排隊，包括前社民連成員「阿牛」曾健成、曾任前職工盟總幹事的鄧燕娥、社運人士「大黃伯」等。黎智英的妻子李韻琴、前《蘋果》副社長陳沛敏的丈夫鍾沛權，以及多國領事代表等亦先後抵達法院。
警方在排隊人龍外加設橙帶，要求記者在橙帶外採訪，周一早上再收窄以鐵馬圍起的排隊範圍，令橙帶及鐵馬相距超過 1 米，記者採訪時均需伸直手臂遞出手機錄音。
旁聽人士其後獲安排分批進入法院領取籌號，人龍陸續消散。至中午 12 時許，聆訊仍在進行期間，法院外再有逾 50 人排隊，大部分人戴帽、口罩，並以雨傘遮擋容貌。記者發現部分人，較早前亦有輪候首日旁聽籌，向對方查詢為何持有籌號，卻不留在庭內旁聽，但未有回應。
前員工：盼入正庭給予支持
司法機構早前公布，正庭連同 7 個延伸庭合共派發 491 張公眾籌，其中正庭設有 42 個公眾席，以及約 100 張後備籌。聆訊另設 116 個記者席，正庭佔 42 席。
曾在《蘋果》任職逾 10 年的 Y 小姐指，過往都有到庭旁聽案件，汲取了裁決日的「教訓」，「知道有好多人都會嚟，要再早啲」，故在上周五（9 日）已到場排隊。她坦言，過去數晚入夜後較難捱，「瞓同坐都唔係舒服」，但相比各被告的困境，通宵排隊「都係好小事」，「希望今日盡量入到正庭，起碼可以遙遠咁畀到啲支持」，並寄語各被告保重，「希望大家都可以喺可見嘅將來歸家、團聚」。
Y 小姐散庭後指，旁聽市民在正庭看到黎智英及各被告都十分激動，更有人落淚，「大家都好積極揮手、做心心動作，黎生都好 responsive（積極回應），佢哋都有表示收到、有心」。
前員工：感激黎智英身教
另一前《蘋果》記者 A 小姐指，她過往在《蘋果》任職約 5 年，形容黎智英為人幽默，日常在走廊遇到任何人都會跟對方打招呼、點頭。她認為，黎在《蘋果》最後的時光，「都好清楚自己嚟緊會點樣，會放唔返出嚟」，惟他當時仍不忘向員工表示謝意，稱「《蘋果》有今日，都係多得你哋」。
A 續指，「好多謝黎生以身教話畀我聽，『人』係點樣⋯⋯喺佢（黎）身上面我會覺得，點解人可以咁偉大⋯⋯就算我無繼續喺呢一行做落去，都好多謝《蘋果》畀到我『人嘅價值』」。
A 最後指，「《蘋果》冇咗係好傷心，但仲有喺度嘅人，仲有繼續做傳媒嘅舊同事，大家都諗緊一啲方法繼續喺度生活，做緊自己要做嘅嘢。」
市民：提前排隊因不忿「排隊黨」霸位
前東區區議員陳榮泰指，過往一直留意黎智英案的審訊，惟是他首次在法院外通宵輪候旁聽籌。他指，上周五（9 日）中午已到場，形容自己與隊伍中首 20 人猶如「旅行團」，「4 日 3 夜都喺度，不過冇得沖涼」。他指，不惜通宵排隊，因「如果我唔嚟瞓，就會多咗一個機會畀『排隊黨』，所以我留喺度，唔想咁多收錢嘅人喺度擺晒啲位」。
同樣周五已來排隊的黃小姐指，上月裁決日只有一位非「排隊黨」的市民入到正庭，「如果我哋唔早幾日嚟，我諗我哋入唔到（正庭）」，又指過去幾日天氣寒冷，在法院外難以入睡，「但點樣辛苦排幾日都要嚟，如果講辛苦，我哋梗係唔及黎生辛苦，佢喺入面幾年⋯⋯我哋排幾日，我覺得係一粒微塵。」
自上周五（9 日）中午起，西九龍裁判法院外已見排隊人龍，排首位的旁聽常客「姨婆」於凌晨約 4 時抵達。記者另發現當日下午 1 時多，約 10 名中年女子於差不多時間到場排隊，大部分人戴上口罩、以雨傘遮擋容貌，未有回應記者提問。
記者周一（12 日）下午在法院外所見，數十人在首天聆訊未完就排隊輪候翌日旁聽籌，隊伍中至少 4 人在早上亦有輪候旁聽籌，部分人換了衣着，但穿攜相同的鞋履、背囊（見下圖）。記者向她們查詢再次排隊原因、為何持有今日的旁聽籌卻不留在法庭內旁聽，有人望記者一眼然後低頭看手機，有人則不回應。
9 被告還押逾 4 至 5 年
案件共涉 9 名被告，包括經審訊後定罪的黎智英、認罪的前壹傳媒行政總裁張劍虹、前《蘋果》副社長陳沛敏、總編輯羅偉光、執行總編輯林文宗、主筆馮偉光（盧峯）及楊清奇（李平）、「重光團隊」成員李宇軒及陳梓華。黎已還押逾 5 年，其餘 8 人則還押逾 4 年。
黎上月被裁定 3 罪成。判詞指，黎長年對中國心懷怨恨，又指他無論在《國安法》生效前後，唯一意圖是尋求中共倒台，即使最終要犧牲中國人民、香港人的利益也在所不惜。
官形容，黎對中共極為仇恨，甚至在他出庭作供時，仇恨依然強烈，最後裁定黎為求達到政治目的，分別與《蘋果》高層、「重光團隊」串謀煽動及勾結外力，以削弱中港政府的權威，以及尋求外國制裁。
HCCC51/2022、HCCC52/2022、HCCC147/2021
文章来源：法庭线
没有评论:
发表评论
注意：只有此博客的成员才能发布评论。