47人案｜趙家賢稱有感吳政亨為組織者 指戴耀廷宣布「休息」後未棄否決預算案

分享：

 

 

47 名民主派被控「串謀顛覆國家政權」罪一案，周二（11 日）展開第 40 天審訊。控方提問下，趙家賢供稱本案 2021 年首度上庭時，才知悉「李伯盧」即吳政亨，又指吳發起「三投三不投」，同意有感吳為「35+」組織者之一。趙又指，戴曾稱李伯盧「係佢啲 fans 嚟」，曾協助舉辦雷動計劃，而戴亦指其為「民間組織」，有助在民間推動初選。

另趙提及，戴於宣布「休息」後曾與趙會面，稱「過咗風眼位啦，無事啦而家」、「你睇美國國務卿蓬佩奧，讚我哋初選做得好呀」。趙同意，戴當時未放棄否決預算案的想法，希望「民主動力」可向「香港民研」捐款 80 至 100 萬元，以建立全民投票系統，「係畀到民意壓力，畀傳統民主派政黨去服從」。案件周三（12 日）續。

周二實時報道：
【實時更新】47人案｜第40日審訊　趙家賢指戴耀廷退初選後未棄否決預算案想法

趙：因本案始知「李伯盧」為吳政亨

按承認事實，「李伯盧」即吳政亨。根據開案陳詞，控方指控吳政亨發起「三投三不投」計劃，為初選組織者之一；又指吳呼籲選民只投票給參加初選，及承諾遵守初選結果的參選人，確保所有參選人均按照初選方案行事。

主控萬德豪周二問趙家賢，他知否誰是「李伯盧」？趙答知道，稱第一次認知「李伯盧」，是他在 Facebook 專頁發表政見，又聽過戴耀廷、政界人士提及他，亦有傳媒報道其看法；至 2021 年 3 月 1 日因本案上庭（首提堂），才知道「李伯盧」即吳政亨，是吳的網名。

萬德豪問，有否聽過「三不投聯署」計劃（「三投不三投」前稱）？趙稱有，指是「網上發表政見嘅『李伯盧』」發起，另提及自己是在「民主動力」同意承辦初選、初選記者會之間得悉，時間約為 2020 年 5 月底、6 月中。

趙同意有感李伯盧為組織者
曾向區諾軒查問李身份、角色

法官陳慶偉問，趙家賢是否有感李伯盧為「35+」組織者之一？趙同意。萬續問，趙首次知道計劃後，曾否與人討論？趙稱與戴商討前曾與區諾軒討論，提及「三投三不投」文章指獲戴回應、加持，「形態變到好似係佢（李伯盧）協助，佢有份舉辦個初選一部分」。

趙續稱，「我就問佢，喂區軒，呢條友乜水嚟㗎？佢好似係，一齊去舉辦初選嘅其中一部分咁嘅？係咪你同戴耀廷，除咗邀請我哋民主動力之外，仲有邀請埋佢，我係唔知道㗎？」趙稱區當時答，「佢係完全唔認識、唔認知呢個人」，而自己對區表示「好擔憂呢個情況」。

趙：戴指李伯盧為其「Fans」、「民間組織」
曾向戴指「三投三不投」屬違法

法官陳慶偉打斷問，趙有否就此與戴耀廷聯絡過？趙確認，並稱有問戴耀廷，「佢（李伯盧）究竟係咩角色、咩身份，點解佢好似變咗初選其中一個舉辦方咁樣」，而戴覆「係佢啲 fans 嚟，之前戴耀廷舉辦啲雷動計劃等等，都有幫手嘅…嚟緊初選，有佢呢啲『民間組織』，推動初選喺民間好有用嘅」。

趙續說，他曾就「三投三不投」計劃向戴表示，屬違反「選舉舞弊及非法行為」，因據選舉法例，任何人都有自由參與選舉，但「三不投」對想參選者而言「係一個阻礙嚟嘅」。趙指，戴覆「點會咁容易有問題，嗰陣時雷動計劃賣廣告都無嘢呀」，但稱明白趙關注，會提醒李伯盧推動計劃時小心。

趙：退出初選後會面
戴提「過咗風眼位啦，無事啦而家」

庭上早前提及，中聯辦於 2020 年 7 月 13 日指初選非法，區諾軒、趙家賢先後宣布退出，而戴耀廷隨後宣布「休息」。

趙家賢周二供稱，於2020 年 8 月底、9 月初曾與戴見面，戴希望「民主動力」捐 80 至 100 萬元予「香港民意研究所」，建立全民投票系統。趙指，當時預計選舉延後一年，而戴關注傳統民主派於立法會否決預算案有保留，故想透過新系統了解市民意見，以「統一民主派投票行動」；自己當時回應「民動」仍在計算「35+」開支，故未有答應可捐出款項。

據控方庭上展示的 WhatsApp 顯示，戴耀廷在 9 至 10 月至少兩次發訊問趙，捐款予「香港民研」一事，惟趙指他當時未有回覆，「我係唔敢直接向佢 say no 囉，喺當時我係一個好困擾嘅迴避嘅取態。」

趙重申，他及「民動」在 7 月退出初選後，認為一定要進行合法工作，「戴耀廷佢係繼續仲用咗好多嘅『大思想家』嘅計劃，喺度繼續進行緊。」趙又形容，戴當時的態度，「佢（戴）個字眼係直情係話，『過咗風眼位啦，無事啦而家』，而佢仲有講到係話，『你睇美國國務卿蓬佩奧，讚我哋初選做得好呀』。」

趙同意戴未棄否決預算案想法
想藉建立全民投票系統給予民意壓力

法官李運騰問及，趙是否指 2020 年 9 月底，戴耀廷未有放棄利用否決權，否決財政預算案，促使政府回應民主派訴求的想法？趙說，「無錯，佢係好著重依個憲制嘅權力。」

李運騰續問，如果民調結果顯示市民想否決預算案，戴會想傳統民主派使用否決權，否決財政預算案？趙稱，「我當時理解到，其實佢（戴）係想有呢個民意，而嗰個民意係支持佢否決呢，係畀到民意壓力畀傳統民主派政黨去服從，所以…我以及代表民主動力都唔想去支持…」

趙：向「民動」執委會建議捐 40 萬元
惟被捕後戶口「未有郁動」

趙又提到，他於 2020 年 9 月初計算好「35+」所有候選人選舉申報經費，另統合捐給「民動」、一千元以上的捐贈，涉款約 100 萬元。

趙指，他認為可以有一筆款項支持「香港民研」工作，但「絕對唔想戴耀廷佢所計劃嘅事情，變咗民主動力好似牽連參與落去」，故趙向執委會建議「 5、4、1 」分配，即 50 萬元捐給慈善機構、40 萬元捐給香港民研，10 萬元則留給「民主動力」作為會務經費。

趙稱，及至 10 月民主派區議會正副主席交流，戴獲邀出席會議。趙稱，戴在會後追問可以給予多少錢協助「香港民研」工作。趙當時回覆稱，與執委會研究後，應該可以捐 30、40 萬元。惟趙稱，2021 年 1 月 6 日本案人士被捕後，款項在「民動」戶口「仍未有郁動」。

趙：獲戴耀廷告知初選有「共識」
因各區不同　提名表條款採籠統寫法

趙家賢上周確認，「民主動力」負責準備初選提名表格等文件。萬德豪周二針對提名表格及選舉按金收據字眼提問。其中提名表格聲明第二項：

「我確認支持和認同由戴耀廷及區諾軒主導之協調會議共識，包括『民主派35+公民投票計劃』及其目標」

萬問「共識」是指甚麼？趙表示，之所以特別說明「由戴耀廷同區諾軒主導，因為並不是由民主動力去主導同埋進行協調」，又因各區有不同，遂用「籠統嘅寫法擺落去」。

法官陳慶偉、李運騰先後追問，趙未及回應，陳慶偉再問，趙曾否獲告知協調會議達成共識？趙答「本身係」。陳再說，「否則你不會寫出第二項」。趙認同。陳追問，是誰告訴趙。趙答「戴耀廷」，又指戴說「各個區要達成咗共識先可以進行初選，而點樣去運用基本法嘅個嗰權力，就係各個區有一啲唔同嘅寫法」。

陳慶偉重問早前他打斷李運騰的問題，提名表聲明第二項中，「『民主派35+公民投票計劃』及其目標」是甚麼？趙說，前者是指初選，「成個項目啦，就係市民參與投票」，而目標即「希望議會過半，我哋民主派係可以喺立法會裡面攞過半議席」。

趙：提名表條款為安撫本土抗爭派
如「一個中國，各自表述」的做法

趙又指，初選表格是在 2020 年 6 月初起設計，惟 6 月 9 日記者會說毋須公開簽署後，本土抗爭派發起〈墨落無悔〉聲明。陳慶偉打斷問，「即第二項是用於安撫本土抗爭派，及迎合對簽署有猶豫者？」趙答，「無錯法官閣下，我正想解釋點解寫得咁籠統就係咁解」，又稱總幹事黎敬輝有特別提到此點，讓雙方都承認條款，即「一個中國，各自表述，九二共識嘅嗰種做法」。

至於選舉按金收據，趙家賢稱由黎敬輝設計，當黎匯報，他才知悉有收據。萬德豪問，收據中有條文注明，候選人須認同上述共識及目標，「選舉按金將於立法會選舉後全數發還，如候選人違反上述共識，將不予發還」。

趙指，共識及目標該部分，是黎從提名表格複製出來，至於沒收，戴耀廷邀請「民主動力」提供初選服務時，有提及要收選舉按金，若違反則沒收，「但係就住點樣叫做違反咗個共識呢，依個並唔係我哋民主動力去決定…係戴耀廷同區諾軒佢哋去決定」。

趙：參選人理應不可在提名表夾附資料
因戴要求才接收　曾向戴指「我哋係作為存放」

趙又指，提名表格製好後，他有放在組織者 WhatsApp 群組中，供戴、區閱，「我知道戴耀廷係有仔細睇嘅，而區諾軒就同我講話，呀戴耀廷佢睇過，得啦」。選舉選舉按金最終在 2020 年 9 月 6 至 8 日發還，因民主動力退出初選後，做「積極嘅善後工作」。

趙家賢另提及，初選「整套」表格，包括附個人資料的「方格表」及政綱。趙又提到，九龍東、新界西的參選人有附上共同綱領。

萬德豪問，各候選人交提名表格時，是否可以隨意加上夾附資料？趙稱，正常不可以，但戴耀廷曾於 WhatsApp 及通話交代，希望「民動」可以照收〈共同綱領〉。趙重申，「當時我同戴耀廷講明咗，只係按戴耀廷要求，而我哋照收咗啲文件，我哋係作為存放，而唔會作任何嘅跟進嘅，因為並唔係民主動力需要收嘅。」

HCCC69/2022

文章来源：法庭线