【初選47人案】前區議員齊撐前同事：於心無愧就得、大家陪緊你喺度

【獨媒報導】47名民主派被控「串謀顛覆國家政權」案，今（5日）處理第三批共6名被告的求情，包括前香港眾志袐書長黃之鋒、資深民主派胡志偉和「快必」譚得志、前立法會議員譚文豪、前觀塘區議員李嘉達及前黃大仙區議員施德來。

開庭前約兩小時，前觀塘區議會主席蔡澤鴻與兩名前同事鄧生和 Martin，一同現身旁聽隊伍。談到被告兼前同事李嘉達，鄧生和 Martin 首先形容李是「有領導力、有諗法、有熱誠」的人，常有不同想法，想為社區帶來改變，又會定期做社區論壇，以不同方法與老人家溝通，增加居民社區意識；又大讚有與朋友組成樂隊的李唱歌好聽。蔡澤鴻就坦言，與李不算認識很久，但知道他很感性和細心。

對於李嘉達陷獄，鄧生直言：「於心無愧就得㗎喇」，又望對他說：「出嚟一齊飲一打啤酒！一齊去合興食豬腸粉！」Martin 則說：「頂住啦！大家陪緊你喺度。」社工註冊條例修訂後，任社工的李嘉達要永久除牌，Martin 嘆可惜，指李是「有心嘅社工」。

嘆過往可不約而聚 今「轉場」探監、聽審、圍爐

除了李嘉達，任職區議員近30年的蔡澤鴻與其他九東被告，也起碼共事10年以上。其中，他與胡志偉是在1991年直選時相識，至今已30多年。蔡形容胡做事有原則，性格刻苦、堅持，現時約每月探望他一次；他又坦言因胡還柙已逾三年，探望時已經沒新鮮事可分享。不過他們仍常常說笑稱，以前再熟亦不會約見面，因為七一、六四等日子一定見到彼此：「見到就嘈，見唔到就『仆街，點解你唔嚟？』，完咗，啱嘅就一齊食飯。但宜家就冇喇，宜家轉咗場地。」

胡志偉

蔡澤鴻嘆，嘆無論對牆內或牆外人而言，最難受是不可預計：「起碼我知要坐幾耐，有個期。宜家係無了期。」23條生效後，他預料初選案的被告不會有行為良好扣減三分一刑期，故即使樂觀估算，他相信要待2027年才見到他們出獄。

蔡又說，留下來的人之所以不開心或有很多情緒，其中一個原因是「我哋仲緊張，我哋仲 care 呢個地方嘅一啲嘢」。蔡續說，「我諗每個人都可以諗吓，自己喺自己嘅崗位上可以做啲乜嘢」，像他可以多些探監、聽審，朋友之間也可以多圍爐，「畀大家知道我哋原來仲喺度」，就像他會與以往九龍東的同事隔數個月也會吃飯、「圍爐」。

蔡最後寄語眾被告「希望唔好死住」，並直言現時「唯一可以做就係支援佢哋，同埋畀佢哋見到我哋仲喺度，我冇避到，大家都係一齊」。