47人案求情．新西｜數十街坊排隊見伍健偉 前土盟義工憶朱凱廸：我哋冇藉口放棄

分享：

 

 

47 名民主派被控「串謀顛覆國家政權」罪一案，參與新界西初選的朱凱廸、張可森、黃子悅、伍健偉、尹兆堅、郭家麒、吳敏兒、譚凱邦，連同新東的梁國雄、柯耀林，周二（27 日）展開首日求情。

伍健偉親自陳情，數十名天水圍街坊排隊旁聽。前「天水連線」元朗區議員林進指，伍還押 3 年半仍有意志，又指「我冇諗過離開，一直都會等佢出返嚟」。前「賢學思政」召集人王逸戰則指，曾與伍健偉一起擺街站，後來兩人因各案被控，在收押所相遇，感到唏噓及諷刺。

有前土地正義聯盟的義工，旁聽支持朱凱廸，表示會繼續實踐環保、關心鄉郊的理念，認為也是一種支持，「我哋會等佢出嚟，佢唔放棄，我哋冇藉口放棄」。一名 87 歲，入會 30 年的前職工盟會員則形容吳敏兒「勤力」，說見證她的成長，盼她保重身體。

數十名天水圍街坊排隊旁聽

早上 8 時多，約有 70 人在庭外輪候旁聽﹐包括早前獲判無罪的李予信。他向記者表示，自己於清晨 5 時多到場。另有數十名支持伍健偉的天水圍街坊排隊，包括前「天水連線」元朗區議員林進，他同於清晨 5 時多抵達，「今日幾忙都好，都會嚟支持阿 K（伍健偉）」。

前「天水連線」元朗區議員林進。

林進指，他與伍於 2019 年相識，「大家經歷咗太多事情，一齊中胡椒彈，一齊俾人拉咁多次，嗰種感情、關係，唔係用時間衡量到」，說每月都會探望對方一至兩次。林進形容，伍健偉還押 3 年半仍有意志，「佢都好關心社會、關心出面嘅人」。

林進：會等佢出返嚟

林進表示「坐監好改變一個人，磨蝕一個人嘅意志，at least 呢刻我見到嘅佢，同 2019 年認識嘅 K 係冇變過」。伍選擇親自陳情，林進稱「佢都有啲嘢想同呢個世界講⋯佢都仲有咁多說話想同大家分享，係一件好值得我哋支持嘅事」。

林進認為，47 人案是香港最大政治案件，「作為一個香港人，其實點都有責任親身見證呢件事情，同佢哋一齊行呢段路」。林指，未來仍然遙遠，「每日都腳踏實地走好每一日，我冇諗過離開，一直都會等佢出返嚟」。

街坊 Dino、阿龍亦指，希望能夠進入正庭，讓伍健偉看見他們。阿龍形容伍著緊社區、「有咩事即刻到」，也會調解生意糾紛。Dino 則說伍正直、「做嘢快手」，「嚟見證下呢個 moment，叫一點心意，我諗佢見到旁聽，有咁多佢認識嘅面孔，或者咁多天水圍街坊嚟聽，對佢嚟講都係一個加油或者慰藉」。

天水圍街坊 Dino。

王逸戰：收押所相遇感唏噓

前「賢學思政」召集人王逸戰早上約 8 時到庭外排隊，他指自己是新界西選民，2020 年曾與伍健偉一起擺街站，伍翌年因 47 人案還押，王其後亦被控「串謀煽動顛覆國家政權」，兩人在收押所相遇，雖然較少機會聊天，「但一個眼神大家領會到」。王續指，至他重獲自由，伍「都仲喺入面」、「一嚟唏噓，二嚟覺得好諷刺同搞笑，明明可能之前見面喺出面擺街站、食飯，下一次見面就係隔住個窗我去探佢，再下多一次我哋一齊喺入面，仲要唔着衫喎，好玉帛相見嘅感覺囉。」

前「賢學思政」召集人王逸戰。

對王逸戰而言，伍較年長、資歷較豐富，「每一次傾偈、相處，我覺得除咗喺政治諗法，做人態度都係一種學習，係一種樂觀嘅態度。」他指伍幾年來沒有改變，仍然很豁達，「到依家呢刻冇話要做一啲好宏大嘅事，平平安安可以簡單食一餐飯，已經心滿意足。」

前土盟義工：我哋冇藉口放棄
前職工盟會員：盼吳敏兒保重身體

前土地正義聯盟義工 G 小姐則前來支持朱凱廸，說兩人因環境議題相識。G 形容朱凱廸很有遠見、刻苦耐勞，她在朱鼓勵下參加鄉郊代表選舉。G 指，一眾義工經常笑朱不梳頭、衣服起皺，笑言他非常簡樸，「好難學習佢，佢永遠都係著嗰件衫，我唔得囉」。

前土地正義聯盟義工 G 小姐。

G 提到，曾聽朱凱廸稱如香港成為極權政府，他有心理準備被捕，又指會繼續去實踐環保、關心鄉郊的理念，也是一種支持，「我哋會等佢出嚟，佢唔放棄，我哋冇藉口放棄。」

前職工盟會員、87 歲中醫陳寶全表示，已入會 30 年，負責宣傳、派傳單，「我係劉千石嗰個時代，我入咗會佢（吳敏兒）都未入會」。陳指，認識吳敏兒甚久，最初對她的印象是「幾斯文」，後來發現她工作勤力，也見證她的成長。陳指，曾寫信給吳敏兒及探監，指她得知「23 條」下或失去三分一減刑後感低落，盼她保重身體。

前職工盟會員、中醫陳寶全。

馬灣居民：譚凱邦工作落力

居於馬灣的 C 先生指，譚凱邦曾為其當區區議員，亦曾為他助選。C 指譚凱邦是一位很好的區議員，「好開頭以為佢入馬灣（只係）想攞個位」，其後發現他在地區工作上非常落力，例如改善交通、監察巴士班次，甚至替家長安排褓母車，了解居民「好濕碎」卻又重要的需求。

前社民連義工盧先生表示，與「長毛」梁國雄認識十多載，指他照顧及關心義工，憶起曾有一位年青義工遭警員噴射胡椒噴霧，梁二話不說把對方摟在胸前，自己則「食晒胡椒」。

前社民連義工盧先生。

盧先生指，面對社會環境轉變，心情有些低沉，也只能向被告說「保重、撐住、平安」，「佢喺入面靠佢意志撐住㗎啫，我哋就算見到佢講（保重），都係佢自己嘅意志」。

至於曾旁聽 47 人案其他求情的莫小姐，憶述曾致電尹兆堅主持的 D100 節目，「call-in 講完之後，佢就（被）拉咗冇得保釋」。莫指，甚少在庭上見到尹兆堅，「希望大部分人好快可以出返嚟，同屋企人團聚」。

莫小姐。

攝影：Fung Ka Kei、HLK

HCCC69/2022、HCCC70/2022

文章来源：法庭线