分享：
47 名民主派被控「串謀顛覆國家政權」罪，最後一批、參選新界東的 9 名罪成被告，周二（3 日）續處理參選新東的呂智恆、林景楠求情，料今天可完成；同區鄒家成、楊岳橋等 7 人昨已完成陳詞。
有旁聽過數次的退休人士指，案件為她帶來思考，「重新反思咩係公義、咩係憐憫」。她指，並非支持特定被告，但知悉今天是最後一次求情，有空便來，「好好去聽、好好去睇，好好去觀察」，盼各被告保重，「好好活好自己，其他嘢慢慢處理」。
約早上 8 時，現場有約 50 人排隊。有旁聽人士向記者表示，她於近 6 時到場時，前方已有約 40 人排隊。記者現場所見，較前位置的人龍當中，不少人戴帽、口罩，以雨傘遮擋和背對行人路。
47人案審訊 求情、裁決日報道一覽
退休人士：辛苦但值得
約 7 時排隊、已退休的 Carol 表示，至今旁聽了 6 次被告求情、不覺辛苦，「退咗休先有時間嚟到…我個人覺得你有心去做一件事，或者覺得件事係值得做，當然要早少少嚟排隊，辛苦但係值得做嘅嘢，你都會去做囉」。她又指，「大黃伯」也常來旁聽，「如果我哋話辛苦，佢仲付出啦、精神可嘉」。
Carol又指，「今次最後一次呀嘛，喺求情日子裡面，既然我嚟到，咁咪嚟去聽、去睇囉」。她續指，今日只剩兩名被告陳詞，預計旁聽人士較少，「我唔係特別識得邊一個（被告），為邊一個支持，咪邊一個都嚟囉。佢（呂智恆）擺到最後嘅求情，都係聽埋佢」。
「好好去聽、好好去睇，好好去觀察」
她又分享昨日旁聽的感受，指原本坐在延伸庭，下午候補成功，得以進入正庭，看到大律師吳靄儀為范國威求情，「好真實囉，無論你聽佢說話、見到手勢、表情，唔係做戲囉，呢個係真實」。
Carol 說，自己是「好好去聽、好好去睇，好好去觀察…我覺得呢啲經驗，每一個人都會有反省」。Carol 再指，儘管案件未有結論，但已為她帶來很多思考，「我係一個基督徒，重新反思咩係公義、咩係憐憫」。
她提到，同齡層「光譜好闊」，「身邊有啲人覺得關你咩事，或者關我咩事」，惟她覺得「作為喺香港成長嘅一個人，係一件埋身去思考嘅事」。她盼各被告保重，「好好活好自己，其他嘢慢慢處理」。
市民首旁聽盼親身了解
同於約 7 時排隊的黃先生表示，因之前比較忙碌，今次是首次旁聽 47 人案，又指案件來到最後階段，希望了解更多案情、最新情況，「始終報道上都會有啲訊息上嘅誤差，有啲嘢會報得多啲、（有啲）報得少啲」。
黃先生續指，他不認識被告，資訊來源主要是新聞，重申「始終收到嘅訊息，同親眼見到啲嘢都唔同…叫做親身入去聽吓」，並希望各被告生活安好。
HCCC69/2022、HCCC70/2022
文章来源：法庭线
没有评论:
发表评论
注意：只有此博客的成员才能发布评论。