【初選47人案】西九疑現「排隊黨」 記者連問隊頭13人無一回應

【獨媒報導】初選47人案將於周二（11月19日）判刑，昨晚（11月16日）距離開審仍有三天，西九龍裁判法院門外疑出現「排隊黨」。《獨媒》記者今早到場，隊伍有13人自攜櫈坐下排隊，大部份人均戴上口罩。記者逐一向排隊者詢問排隊原因、旁聽的案件等，全部未獲回應。排第14的是「女長毛」雷玉蓮，她稱「示威咗咁多年咁多次，我未曾試過排隊呢，要排兩三日嘅，我都係第一次」，斥「排隊黨」行為「鼠竊狗偷」。人稱「姨婆」的旁聽常客亦趕到場排隊，斥「排隊黨」行為多餘。

隊頭大部分人戴上口罩、未回應記者問題

47名民主派被控「串謀顛覆國家政權」罪，其中31人認罪，16人不認罪受審，只有劉偉聰及李予信2人罪名不成立，餘下14人則被判罪名成立，包括鄭達鴻、楊雪盈、彭卓棋、何啟明、黃碧雲、施德來、何桂藍、陳志全、鄒家成、林卓廷、梁國雄、柯耀林、余慧明及吳政亨，45人早前已分批完成求情。

昨日晚上開始，已有人到場排隊輪候旁聽席，《獨媒》記者今早到場，逐一訪問隊伍的13人，全部人不作回應，部分人更撐起雨傘向外遮擋。截至下午約一時，排隊人數增至約20人。下午約2時許，約20名警方到場使用金屬架設立「阻車器」，以防止車輛進入封鎖範圍。

雷玉蓮斥排隊黨行為「鼠竊狗偷」

今早10時45分，「女長毛」雷玉蓮到場排隊，排第14位。她向《獨媒》表示，從網上得知有人排隊，故在進食早餐前便急忙前來，匆忙下亦忘帶藥物，稱「示威咗咁多年咁多次，我未曾試過排隊呢，要排兩三日嘅，我都係第一次。」

雷玉蓮質疑隊頭者「究竟佢哋嚟做啲乜嘢呢，識唔識被告人呢」，認為他們是「排隊黨」，斥其行為「鼠竊狗偷」，「今日我親眼見到排隊黨，我真係覺得冇得救㗎啦，你又唔識被告人，我哋都話嚟支持我哋啲戰友啦，入邊啲人都係我哋識嘅。」

                                                                雷玉蓮

雷玉蓮特意帶同蓮花燈到場，入黑會燈著，寓意「佢哋生命好光輝，照亮緊每一個香港人嘅心」，亦稱「希望上天有仁慈嘅心，能夠判輕啲，亦都希望無論邊個對與錯，今日已經成為一個定局，希望佢哋能夠早日出返嚟，同佢哋屋企人見面。」

「姨婆」：「排隊黨」行為多餘

人稱「姨婆」的旁聽常客，今午一時許到場，她本打算今晚到場排隊，惟稱「估唔到咁早，琴晚已經有人講出嚟」。她質疑「排隊黨」的行為，「排到又點啫，排到攞到錢，俾錢個啲人，我唔知佢咩心理啦，我哋都會見到佢哋㗎，我哋都會知道嗰個結果㗎」，指其行為「多餘」。她不擔心天氣，「落雨咪溚下雨、避雨」，「雖然聽落去好似好戇居，但係唔覺得㗎，我哋兩日咋嘛，唔係好辛苦，但係嗰啲幾年啦，都比我哋更辛苦。」

                                                         「姨婆」

另一名到場排隊的市民CC（化名），同樣是在網上看到排隊情況後到場，她同樣批評「排隊黨」，「佢地會輪班，佢地搵人嚟好容易姐，我哋唔會呀嘛。我地係自己過嚟嘅，點樣捱到幾晚通宵呢？」CC曾多次聽審，明言認得部分「排隊黨」一士，「通常（星期）二、四過嚟係大叔，通常一、三、五過嚟係大媽」，指他們取得籌號後，發送籌號圖片給「蛇頭」後就會離開法院，認為「排隊黨」目的是阻礙市民旁聽。