分享：
47 名民主派被控「串謀顛覆國家政權」罪一案，參與九西初選及功能界別的被告周四（11 日）續求情，處理王百羽、岑子杰及余慧明的陳詞。毛孟靜、馮達浚、劉澤鋒、何啟明、黃碧雲，岑敖暉昨已完成陳詞。毛、何啟明及岑敖暉昨獲准退席，今天沒有到庭。
排隊旁聽的岑敖暉、余慧明朋友，憶述與岑在大學的時光，指近期聽到歌曲《歲月的童話》時，都會想起岑，希望向「入面嘅朋友，或者喺其他地方嘅朋友」說，「起碼有日都可以『為對方拍拍滿身的塵土』，但現時則『只想你仍安好』」。
有岑子杰的朋友指，視岑為 LGBTQ 運動的前輩，認為他是個很平和的人，但其得意之處為「保持自己嘅棱角同時，同到唔同嘅人相處」，又指佩服岑挺身而出，申請司法覆核，「好多 LGBTQ 嘅朋友都好多謝佢做呢樣嘢」。
余慧明求情信：仍認為通過投票改變秩序沒不對 也許唯一錯誤是我太愛香港
47人案求情、判詞分析、裁決日報道一覽
岑敖暉友引歌詞「只想你仍安好」
早上約 7 時，西九龍法院外有約 40 人排隊，較昨日少約 10 人。社民連主席陳寶瑩、前主席黃浩銘、前民陣召集人陳皓桓、支聯會前常委徐漢光、前區議員韋少力及李志宏到庭旁聽，年屆 101 歲的「大黃伯」亦撐著拐杖及雨傘步入法庭。
清晨 5 時許到場的 David 表示，在大學時期認識岑敖暉，後在工作期間認識余慧明，指「同 Winnie 都曾經話走過一段路，當中都有好多高高低低，有好多唔同情緒」，冀在如此艱難的時期，到法庭旁聽讓他們知道「仲有好多人記掛住佢哋」。
David 憶述與岑敖暉在大學的時光，指岑每當聽到《歲月的童話》一曲時，都會被歌詞感動，而 David 近期再聽此曲時，都會想起岑，希望向「入面的朋友，或者喺其他地方嘅朋友」說，「起碼有日都可以『為對方拍拍滿身的塵土』，但現時則『只想你仍安好』」。
余慧明筆友：佢好勇敢
清晨 5 時 20 分到達法院、余慧明的筆友 Zoe 表示，自余開始從政及組織工會才認識她，認為余「好勇敢」，「因為醫護要從政係好難嘅事，我哋都從來冇經驗去做呢樣嘢」，惟余當時「抱住好想保護香港」的心態，「就行出嚟做呢件事」，「相信佢當時係邊學邊做」。
Zoe 形容余慧明為「貓奴」，指余每次來信，都會提及其「主子」，稱「好掛住佢啲貓」，亦會「畫公仔，畫好多貓」，余又透露很掛念家人，希望「希望佢所愛嘅人能夠健健康康，等佢可以安心」。
周嘉發：冀能成功入庭見岑子杰
社民連外務副主席周嘉發，則於凌晨 3 時半抵達法院外排隊，他指知道岑子杰將求情，惟過往前來旁聽的情況都不太順利，「今次覺得唔信邪，希望可以和平咁嚟一次旁聽」，「見到咩事都最主要處變不驚，唔好咁容易俾人激嬲自己」，冀能成功進入庭內，「睇吓有緣見到邊個啦」。
周稱，雖與岑子杰的接觸不多，但視其為「社運前輩」，又形容岑是個「好認真、幾浪漫，又好有趣嘅人」，相信岑能坦然面對審訊。周約於 8 時 15 分進入法院。
岑子杰友：好佩服佢
同志運動者 Louis 指，認識岑子杰 10 多年，視其為 LGBTQ 運動的前輩，認為岑是個很平和的人，但其得意之處為「保持自己嘅棱角同時，同到唔同嘅人相處」。
Louis 續指，自己曾於 2018 年申請司法覆核，而岑身處獄中仍堅持申請覆核，「好佩服佢」、「呢條係條好唔容易嘅路」，但因他的挺身而出，令到很多同性伴侶受惠，「好多 LGBTQ 嘅朋友都好多謝佢做呢樣嘢」。
陳皓桓：岑子杰之後會減返肥
前東區區議員韋少力表示，她與岑子杰相識逾 10 年，同曾為民陣召集人，指岑是「同好多人都能夠聯繫嘅人，搵佢做嘢肯去幫手」。韋指，岑還押期間都有探望岑，形容他「心態幾好，會同我講知道日子一定要過，開心又要（過），唔開心又要（過），佢反而會安慰返我哋」。她希望岑好好照顧自己，「佢每次寫 message 都係關心我哋，希望佢多啲照顧自己」。
陳皓桓續往法庭旁聽，提到前黨友岑子杰還押期間，體型增加不少，他補充「佢之後會減返肥」。陳昨日旁聽後，指毛孟靜很精神、健康，又笑指黃碧雲「好民主黨呀，正正經經去聽審，我哋呢啲唔會，我哋呢啲求其㗎啦 ，佢好認真」。另外，他透露仍未能探訪黃碧雲，「入咗名一個月都未批，希望快啲批，有多啲人探佢」。
岑子杰義工：留喺香港就係共同進退
戴著綠色口罩的林太表示，曾任梁國雄、岑子杰的助選義工，指岑「講嘢好有說服力、好討好、好得人信賴」，後來因岑獲較多人幫忙，她幫忙一至兩次後，改為替其他較弱勢的候選人助選。
林太稱，近年沒見過岑子杰及其他被告，「因為我哋唔係親屬冇機會見，只有去法庭先見得到…希望見得幾多就幾多」。林太希望以旁聽為鼓勵，「香港人都係好關心佢哋，唔放棄佢哋…大家共同進退嘅，留喺香港就係共同進退㗎啦」。
HCCC69/2020、HCCC70/2020
文章来源：法庭线
没有评论:
发表评论
注意：只有此博客的成员才能发布评论。