分享：
47 名民主派被控「串謀顛覆國家政權」罪一案，共 14 人經審訊後罪成、31 人認罪，案件將於周二（19 日）早上 10 時，在西九龍裁判法院判刑。被告之一伍健偉的「戰友」，前「天水連線」元朗區議員林進稱，伍「而家豁然咗、開朗咗，所有應該要做嘅嘢都做咗啦」。
林稱，這 3 年半對於很多牆外的家屬、朋友，「大家嗰時間，某程度上都係停頓」，最終迎來判刑日子，「希望大家可以好好 move on ，繼續好好生活」。同樣表示希望見到伍健偉一面的 C 小姐稱，希望伍可盡快出獄，「大家都想快啲完，相聚一下，食吓飯」。另外，記者向排頭位約 10 多名巿民，以及隊尾的 10 多名市民，詢問輪候旁聽甚麼案件、為何提早排隊，但不獲回應。
司法機構公布，將於周二早上 9 時 15 分起派發一共 404 張公眾人士入庭籌，正庭僅有 5 旁聽座位，其餘 399 個旁聽席，分布在另外 6 個延伸區域，包括 1 號法庭、2 號法庭、八樓陪審員集合處、18 號法庭、17 號法庭及 19 號法庭。
林進：希望大家可以好好 move on
前「天水連線」元朗區議員林進，排在約第 30 名的位置。他稱， 由下午 4 點起開排隊，中間曾回家休息，料今晚會通宵排隊。他稱，希望可以入正庭「同阿 K （伍健偉）say 個拜拜」。
林稱，上星期都有探望伍健偉， 指伍一直好有心準備本案，「由以前早期處理保釋，大叫過『十年後見』，到前排自己陳情，都仍然好硬淨」，認為每位讀過其陳詞的香港人，都會能夠感受其想法。
林又形容「佢宜家豁然咗、開朗咗，所有應該要做嘅野都做咗啦」。林稱，這 3 年半，對於很多牆外的家屬、朋友，「大家嗰時間某程度上都係停頓」，最終迎來判刑日子，「希望大家可以好好 move on ，繼續好好生活」。
對於是否擔心刑期，林直言，「佢（伍健偉）一直覺得自己係十年」，屬於「積極參加」一級，並作出最壞的打算，不敢抱有一絲假希望。
林進：有人反映被伍陳情打動
伍早前親自陳情時，確認自己無悔意。林形容，當初對於伍的決定感到矛盾，「值唔值得你用兩三年嘅青春，去講呢番說話…宜家係講緊兩三年嘅事情 ，你一番說話用兩三年呢個代價去換，我有懷疑嘅。」但他強調，最終是由伍決定及承受，故需要尊重。
林續稱，其後聽到有人反映稱，被伍的陳詞感動及影響，亦有人因為其陳情才認識他，「做所有嘢總會有迴響，總會影響某些人嘅諗法，我覺得呢樣嘢，就算（影響）一個（人）都足夠」。
被問及有何行動回應，林稱，「佢好知我一直做緊咩嘢 ，佢都明白好多朋友一直堅守緊，咁呢個係一個最好嘅回應」，並稱「佢好清楚知道，就算佢要坐多兩三年、五六年，我哋仍然都喺度，我哋仍然為咗呢片地方奮鬥緊。」
C 小姐：望與伍健偉「食吓飯」
同樣表示希望看到到伍健偉一面的 C 小姐稱， 從報道知悉昨日已有人排隊，故昨晚 8 時起開始排隊，料會與朋友通宵排隊，視乎排隊人龍。C 提及，2019 年做義工時認識「天水連線」，一直與伍健偉有聯絡。他被捕後，每次出庭自己都會旁聽，並希望他可盡快出獄，「大家都想快啲完，相聚一下，食吓飯」。
被問及會否擔心刑期長短， C 小姐直言，「香港越來越陌生，判幾耐唔輪到我哋話事」 ，「點都撐住佢哋先」。C 小姐稱，最希望向伍說「撐住呀，大家出面入面都好，都係一條心」。
旁聽女士：好多香港人都冇忘記
另一名排在較後的葉小姐表示，昨晚 9 點左右開始設位置排隊，中途曾經回家休息。葉稱，旁聽是為了支持被告。
被問及為何願意通宵排隊，葉一度哽咽稱，「好多香港人都冇忘記，唔只記得所有發生嘅事，係覺得香港嘅束縛…有束縛，你都會覺得有啲人都係發緊光，或者係 say no 嘅。其實，咁就無憾啦」，故認為要旁聽，支持本案被告。
101 歲「大黃伯」凌晨起排隊
另一名昨日起開始排隊的陳先生稱，前晚有人開始排隊，故昨日到場，「未試過連續排幾日」，但他稱「唔排唔得，呢個係我哋嘅歷史責任」，指 47 名被告是代表香港發聲，「我哋唔可以因為有啲辛苦就迴避」。
年屆 101 歲的「大黃伯」表示，今日凌晨 1 時許排隊旁聽，「梗係嚟啦，無理由唔嚟，見返嗰啲人（被告）呀嘛」，並稱「個個（被告）都想見」，指他們每人都為香港人利益付出 ，值得祟拜。
有警員稱將清走「霸位」櫈
西九龍裁判法院門外由周日下午起，有逾 20 人排隊。直至周一早上 9 時許，有逾 30 人排隊；至下午1 時許，有約 60 人排隊。
記者向排頭位約 10 多名巿民，以及隊尾的 10 多人，詢問輪候旁聽甚麼案件、為何提早排隊，但不獲回應。大部分人士均戴帽、口罩遮臉，不時低頭。
另外，連同法院正門外、公眾席輪候位置附近，有 10 名軍裝警員在法院外駐守。有便裝警員在早上 10 時許向旁聽人士表示，稍後會「清走」一些沒人坐下的櫈，以免出現排隊黨或霸位情況。惟直至下午一時，現場未見有人行動。
HCCC69/2022、HCCC70/2022
文章来源：法庭线
没有评论:
发表评论
注意：只有此博客的成员才能发布评论。